Мадэльныя гісторыі

Будаўніцтва інтэрната          


Будаўніцтва інтэрната

У агульным двары некалькіх дамоў размешчаны старыя гаражы, якімі ніхто даўно не карыстаецца, аднак у адміністрацыі горада няма грашовых сродкаў, каб іх знесці. Гэта цэнтр горада, і жыхарам неабходна зялёная свабодная зона, дзе яны і іх дзеці маглі б адпачыць. Узнікла ідэя добраўпарадкаваць тэрыторыю, арганізаваць дзіцячую пляцоўку, таму што ў іх двары такой няма, а калі б гаражы знеслі — для гэтага вызвалілася б дастаткова месца.

Побач з дамамі знаходзіцца тэхнікум, у які з кожным годам паступае ўсё больш студэнтаў, якім не хапае месцаў у інтэрнаце. Дырэктар тэхнікума прапануе адміністрацыі горада знесці гаражы за свой рахунак і пабудаваць на іх месцы новы інтэрнат з басейнам для студэнтаў.

Абмяркуйце магчымыя канфлікты і шляхі іх вырашэння, а такасама думкі розных бакоў. Калі неабходна, аргументавана выкажыце свае прапановы. Як вы лічыце, гэта праблема можа быць вырашана?

Negative

Канфлікт інтарэсаў

Гэтая сітуацыя з’яўляецца прычынай канфліктаў:

  • Жыхары не хочуць, каб у іх двары пабудавалі інтэрнат, але хочуць, каб улады горада знеслі гаражы і добраўпарадкавалі дваровую тэрыторыю.
  • У мясцовых улад няма грошай, каб знесці гаражы і зрабіць дзіцячую пляцоўку для жыхароў.
  • Студэнтам не хапае месца ў існуючым інтэрнаце, а гаражы, якія невыкарыстоўваюцца, знаходзяцца побач з тэхнікумам.
Positive

Рашэнні
  • Знайсці гораду грошы для зносу гаражоў і добраўпарадкавання дваровай тэрыторыі.
  • Жыхарам сабраць уласныя грашовыя сродкі для добраўпарадкавання дваровай тэрыторыі.
  • Знайсці іншае месца для будаўніцтва інтэрната.
  • Пабудаваць інтэрнат з басейнам і дазволіць яго наведваць жыхарам.
  • Адмовіць тэхнікуму ў будаўніцтве інтэрната, але дазволіць будаўніцтва басейна і абавязаць добраўпарадкаваць дваровую тэрыторыю.
  • Пакінуць усё без змен, пакуль у адміністрацыі раёну не з’явяцца грошы для зносу гаражоў.
  • Знайсці інвестара, які знясе гаражы і добра ўладкуе тэрыторыю ў абмен на будаўніцтва ў двары кафэ.
  • Іншае.

Пазіцыі розных бакоў


Мясцовыя ўлады
Мясцовыя ўлады лічаць, што калі тэхнікум за свае грошы зможа знесці гаражы, то няхай тады будуе і інтэрнат з басейнам.

Жыхары
Жыхары кожны год выплачваюць грашовыя сродкі на капітальны рамонт, а таксама плацяць падаткі, таму лічаць, што адміністрацыя горада павінна знесці гаражы, а таксама добраўпарадкаваць тэрыторыю, таму што іх дамы размешчаны ў цэнтры горада, дзе не самыя лепшыя ўмовы жыцця.

Студэнты
Студэнты хочуць жыць у інтэрнатах, таму што здымаць іншае жыллё для іх вельмі дорага, а адміністрацыя тэхнікума ведае як знайсці сродкі, каб пабудаваць дадатковы інтэрнат.